Frábær fjörureið

Var að koma heim úr fjörureið. Það var alveg stórkostleg upplifun að ríða silkimjúkar fjörurnar. Algjörlega toppurinn í hestamennskunni. Það besta er að það er bara spölkorn fyrir okkur að fara niður á fjörur. Nú verður þetta gert oftar ef ég fæ einhverju um það ráðið.

 

Eftir fjörureiðina var okkur boðið í kaffi á Kafteinsflöt. Þar var sannkölluð útihátíðarstemning. Ég entist hinsvegar ekki lengi þar sem ég þufti að drífa mig heim og athuga með börnin. Karlinn var þó ekkert á því að koma heim. Svona eru nú þessir karlar, óalandi og óferjandi

Athugasemdir

[Árni Gunnarsson, 5.8.2007 kl. 22:25]

Öfunda þig af góðum degi í samneyti við gott fólk og gæðinga. Líklega á ég ekki eftir að fá þá ósk uppfyllta að ríða Löngufjörur.

Hann afi minn sálugi sagði að Stóra-Hraun væri stærsta jörð á Íslandi og jafnvel í allri Evrópu,- um fjöru!

Ekki var hann nú þekktur að því að ýkja!

[Guðrún (IP-tala skráð) 8.8.2007 kl. 18:56]

Umm, vildi að ég hefði verið með ykkur. Skrifast allt á hana Fífu  Alveg að drepast í bakinu. Kem með næst!

[Ingunn (IP-tala skráð) 8.8.2007 kl. 21:11]

Æjæ og mér sem finnst hún svo æðisleg. Held reyndar að mér sé einni sem finnst það