Brúðkaupsafmæli og annað brjálæði

Í gær áttum við hjónin 5 ára brúðkaupsafmæli. Ótrúlegt hvað tíminn líður hratt. Dagurinn hjá okkur var nú bara með nokkuð hefðbundnu sniði þ.e. ég fór í vinnunna og Gísli var heima með strákana. Það er alveg frábært að hafa karlinn heima við þegar ég þarf að vinna eins og brjálæðingur. Ekki svo að skilja að karlinn geri ekki neitt, þvert á móti, hann er á fullu frá morgni til kvölds. Ekki amalegt.

Í gærkvöldi voru strákarnir að sulla í læknum fyrir neðan húsið okkar í alveg hreint yndislegu veðri. Ég er svo þakklát að vera þeirra forréttinda aðnjótandi að búa í paradís. Sveitin okkar er algjör paradís, sérstaklega þegar veðrið er gott. Útsýnið og víðáttan hér er dásamleg.

 

Málið er bara að ég ætla að taka á móti börnum í nýja leikskólanum á þriðjudaginn og er því miður nokkuð stressuð þar sem það er svo margt eftir. Ég er að reyna að róa mig niður og telja sjálfri mér trú um að þetta reddist allt...íslenski stíllinn. Á mánudaginn verður semsagt stór dagur þar sem allir ætla að leggjast á eitt og klára þetta. Starfólkið mitt er svo yndislegt og jákvætt þannig að þær bakka mig upp í öllu stressinu.

Athugasemdir

[Guðrún (IP-tala skráð) 13.8.2007 kl. 17:40]

Ert ekki að grínast? 5 ár. Vá, hvað tíminn er fljótur að líða. En til hamingju með afmælið.

[Dóra (IP-tala skráð) 15.8.2007 kl. 23:54]

Til lukku með daginn þ.e. laugardaginn:)  Það var ekkert verið að minna mann á þetta, man hvorki afmælis- né aðra merkisdaga svo vonandi er mér fyrirgefið.  En OMG eru liðin 5 ár síðan ég vann LMS keppnina í sveitinni;)  Vinn þessa keppni í öllum brúðkaupum og mun líklegast vinna hana líka í mínu... hvenær sem það verður.  En allavega bestu kveðjur í sveitina. 

Ps. Ég las einhvers staðar að stress væri bara hollt - allavega upp að vissu marki en það var ekkert minnst á hvernig maður vissi að maður væri kominn yfir mörkin!