Netsambandsleysi

Síðasta helgi var hálf döpur hjá mér, ekkert netsamband, og því ekkert bloggað. Það er ótrúlegt hvað maður er orðinn háður þessu neti, jaðrar við fíkn. Í stað þess að sitja fyrir framan tölvuna fór ég í fjárhúsin og gaf. Þannig að þetta var kannski ekki svo slæmt þegar allt kemur til alls. Ekki svo að skilja að ég sitji fyrir framan tölvuna allan þann tíma sem ég er heima. Því fer víðsfjarri. Verkefnin á bænum eru ótal mörg og það er greinilegt að vinnukonan er farin. Reyndar hef ég verið að virkja unglinginn á heimilinu til heimilisstarfa. Þannig að þegar allir hjálpast að þá hefst þetta.